2005-06-02

Iomete homaspektaj robotoj de Toŝiba

ApriAlfa kaj ApriAttendaAntaŭe mi skribis pri iomete homaspekta roboto de Hitaĉi. Nu, alia japana kompanio, Toŝiba, prezentas senkrurajn kaj senbrakajn robotojn ApriAlfa (tiu rondeca) kaj ApriAttenda (tiu plej alta). Oni povas rimarki ke, ĉar ili ne havas krurojn nek brakojn, la "homeca aspekto" de tiuj-ĉi robotoj dependas nur de la ekzisto de kapetoj kun okuloj. Tiuj robotoj estos prezentataj ĉi-monate en la foiro Expo 2005, okazinta en Aiĉi, Japanio.

Laŭ Toŝiba, la kompanio klopodas disvolvi robotojn por helpi la homojn, precipe infanojn kaj maljunulojn. La robotoj kapablas, ekzemple, post "registri" iun uzanton ("mastro") en sian memoron, distingi ties voĉon inter aliaj, detekti la direkton de ĝia origino, sekvi lin aŭ ŝin inter homsvarmo, kaj respondi al pluraj ordonvortoj.

ApriAlfa kaj ApriAttendaLa rondeca ApriAlfa-v3"Apri bon-orela" havas ses mikrofonojn por ĉiudirekta sondetektado, kio kapabligas ĝin, pere de rafinita sonprocezado, aŭskulti plurajn homojn kaj respondi adekvate al ĉiu.

Roboto ApriAttenda povas sekvi individuon ene de troplena sceno, dank' al rafinita bildprocezado. Se ial ĝi perdis vidkontakton kun sia mastro, ĝi klopodas retrovi lin aŭ ŝin. La roboto havas ultrasonajn sensorojn por ne kolizii kontraŭ objektoj nek homoj, kaj konstante kalkulas la distancon al objektoj kaj al la mastro, por moviĝi kaj halti adekvate ("inteligente").

http://www.toshiba.co.jp/about/press/2005_05/pr_j2001.htm

Etiquetas: ,

1 Komentoj:

Anonymous Anónimo diris ...

Dankon pro interesaj informoj kiujn vi donas pri la robotoj. Mi opinias ke ili cxiutage pli kaj pli progresas. Nun kun ege evoluitaj mikroproceziloj (kiel Cell kaj AMD64 au PowerPC G5) oni povas pli similigi ilin al la homo.

6/02/2005 11:49:00 a. m.  

Publicar un comentario

<< Home

6.2914-75.5361