Eta homoida roboto de Tajvano
Nun en Computex, komercfoiro de elektronika/informadika industrio okazanta en Centro de Tutmonda Komerco de Tajpeo (Tajvano), kompanio Micro-Star Internacia prezentis sian etan homoidan roboton E2R-H3. |
 |
Post tri jaroj da esplordisvolvado, la homaspekta etulo, kiu pezas nur 2.1 kg, kaj staturas 34 cm, kapablas procezi bildojn kaj sonojn. |
 |
Aspektas kiel bona roboteto por enamigi infanojn pri homoidaj robotoj, nunaj infanoj kiuj eble estas la disvolvontoj de tiuj altnivele rafinitaj estontecaj kunuloj de la homoj. |
 |
Afiŝita far Luis Guillermo RESTREPO RIVAS je la 12:29 p. m.
4 Komentoj:
Ĉu li povas fari ion utilan? :-)
Mi volis diri "ĝi", hehehe.
Sed mi ŝatus eĉ pli la knabinojn :-).
Kara Gebeleizis:
Laŭ kion mi legis en Interreto, la nuna modelo ankoraŭ ne estas tre utila -krom por eksperimentemuloj amantoj de robotoj kaj teknikaĵoj. Fakte, la entrepreno Micro Star serĉas investantojn por pludisvolvi la utilon de la roboto por la hejma medio. La nuna modelo funkcias dum 120 minutoj antaŭ ol reŝargo de piloj, kaj estas kontrolebla el komputilo per sendrata konekto (per radiosistemo "Bluetooth"). Por parolrekonado ĝi uzas programon de Microsoft. La kapo de la roboto havas kameraon kiu nutras programon por rekono de vizaĝoj (tion diras S-ro Morgan Wu, direktoro de la disvovanta teamo).
Kaj, JA!, ankaŭ mi ŝatas tiujn knabinojn.
Publicar un comentario
<< Home