Tertremo en Kolombio

Hodiaŭ frumetene, je la 4:35 horo proksimume, ni estis vekitaj el nia ankoraŭa dormo far forta tertremo. Feliĉe, laŭ ĝisnunaj raportoj (tagmeze), okazis nenio grava. La tertremo estis sentita en la okcidenta parto de nia lando
Laŭ raportoj, la centro de la tertremo estis pli ol cent kilometrojn profunde, sub urbeto Villa María, proksima al urbo Manizales, kaj ĝia forto estis de 5.2 (laŭ aliaj fontoj: ĝis 5.7) en la Skalo de Richter.
Kiel vi rimarkas en la mapo, mia urbo estas sufiĉe malproksima (Medellín-Manizales ≈ 257 km), kaj mi ne loĝas en tre alta etaĝo; tamen, la movo sur mia lito estis forta!, la lito helpas la osciladon.