2007-08-02

Alvenis tago de Prelego

Kiel mi skribis en antaŭa blogero, mi konsentis prelegi pri Richard Feynman [pr: riĉard fajnman], por ĝenerala publiko, en la Planetario de mia urbo, Medellín. Nu, ĉiu lim-tempo pasas, ĉiu lim-dato alvenas, do hodiaŭ alvenis la tago por tiu prelego. Morgaŭ mi raportos ĉi-bloge kiel okazis la afero. Jen malsupre la unua bildo el la paŭerpojnta bildaro kiun mi pretigis por la prelego: "Richard Feynman kaj la moderna fiziko".

Aktualigo de la 3a de Aŭgusto: La prelego okazis bone, laŭplanite. Ne ĉeestis "amasa" aŭskultantaro, nur proksimume 20 homoj. Kaj —humileco flanken— mi estis laŭdata kiel bona preleganto fare de pluraj aŭskultintoj, inkluzive de la direktoro de la planetario; unu el ili, scianto pri la temo, opiniis ke ĝi estis la plej klarinstrua prelego pri Feynman por ĝenerala publiko kiun li spektis ĝis nun.
Post la prelego, mi babiladis proksimume horon kaj duonon pri fiziko kaj ĝia historio kun inĝeniero Horacio Uribe Arbeláez, universitata profesoro pri termodinamiko, kaj granda scianto kaj ŝatanto de fiziko.
Vi povas elŝuti la paŭerpojntan bildaron de la prelego, kiel dokumento PDF hispanlingva kun po kvar bildoj ĉiupaĝe, el:
http://luisguillermo.com/Feynman-LGRR.pdf [1.2 MB]

Etiquetas: , , ,

2 Komentoj:

Anonymous Toño diris ...

Bonŝancon!

8/02/2007 05:24:00 p. m.  
Blogger Luis Guillermo RESTREPO RIVAS diris ...

Koran dankon, kara Toño.

8/03/2007 08:15:00 p. m.  

Publicar un comentario

<< Home

6.2914-75.5361