Kalkultabeloj komputilaj fariĝas 30-jaraj

La jaron 1979 ni povas konsideri kiel la naskojaro de la perkomputilaj kalkultabeloj (aŭ "tabelkalkuliloj" laŭ la Vikipedio nune), el kiuj la plimulto el homoj eble konas nur Excel-on de Mikrosofto. Tiujare, s-ro Dan Bricklin, prezentis publike kaj ekdisvendis sian programon VisiCalc.
Mi ne memoras se mi mem uzis tiun programon, sed mi ja uzis, en mia laborejo, unu el la unuaj "filoj" de VisiCalc kies nomo estis Multiplan. Poste alvenis Excel en ĉiujn oficejojn.

Vi povas legi (anglalingve) pri tiu historio en la retejo de s-ro Dan Bricklin mem:
http://danbricklin.com
Kiam oni parolas pri "X estis la unua ..." preskaŭ, ĉiam ekaperas disputo kaj diskuto pri ĉu vere "X" estis la unua?. Do, en kiu senco VisiCalc estis la unua komputila kalkultabelo? pri tio vi povas legi klarigon en sekcio de tiu retejo:
Was VisiCalc the "first" spreadsheet?

Kio signifas "freŝa" kapitalo?

Mi foje-refoje aŭdas en hispana kaj angla lingvoj la esprimon kiu signifas "freŝa kapitalo" aŭ "freŝaj financaj rimedoj". Tamen, mi ne komprenas kio estas la "freŝeco" de mono. Ĉu ne ĉiu mono estas egale "freŝa" (aŭ malfreŝa)? Bonvole pardonu mian nesufiĉan konon pri financaj aferoj. Ĉu iu leganto povas klarigi tiun esprimon? Mi antaŭdankas.

Asembleo banka en Medellín

Ĉi semajne okazas en mia urbo la ĉiujara asembleo de estroj de la Interamerika Banko por Disvolvado, kiu nun havas 48 landojn membrojn (la lastatempa: Ĉinio). Ĝi estas asembleo per kiu ili samtempe festos la 50-jaran jubileon de la banko.
Okaze de tio, ĉeestos pli ol 4000 homoj, ne nur apartenantaj al la banko, sed ministroj de financo (kiel Timothy Geithner el Usono) kaj reprezentantoj de naciaj centraj bankoj kaj de multaj ŝtataj kaj privataj entreprenoj, aliaj ekonomikistoj, krom ĵurnalistoj ...
Mi memoras ke kiam mi laboris en la fako pri planado de la Publikaj Entreprenoj de Medellín, ni plurfoje pretigis dokumentojn por atingi krediton de tiu banko por financi grandajn hidroelektrajn projektojn en nia regiono.
Ĉio estas preta en la urbo kaj en la asembleejo.
Nun, mi invitas vin legi (en angla):
IDB 50th Anniversary Meeting to Showcase Medellín Urban Renewal.

Dinosaŭroj el Patagonio en mia urbo

Hieraŭ mi vizitis ekspozicion pri dinosaŭroj portitaj al mia urbo el Patagonio. Jen kelkaj el ili (alklaku por pli grandaj fotoj):

Morgaŭaj datrevenoj: García Márquez kaj Tereŝkova

Hodiaŭ mi volas memorigi la legantojn pri tio ĉi: Morgaŭ, 6-a de marto, estos la naska datrevenoj de du famuloj: La kolombia skribisto Gabriel García Márquez (Nobel-premiito en 1982) fariĝos 82-jara (aliuloj dirus ke 81-jara, sed nun sajnas pli vere ke li naskiĝis en 1927). La rusia Valentina Tereŝkova (la unua virino kosmonaŭto en 1963) fariĝos 72-jara.