"Limoj al Kreskado" relegata

Instigita far la nuntempaj mondskalaj problemoj, kaj en sekvo de kion mi skribis tagojn antaŭe, mi reprenis el mia biblioteko la anglalingvan libron "The Limits to Growth" ["La Limoj al Kreskado"], kiun mi legis proksimume tridek jarojn antaŭe, kiam la Roma Klubo estis novaĵo en amaskomunikiloj pro la debatoj kiujn tiu ĉi libro, kaj la mond-modelo sur kiu ĝi baziĝas vekis en la mondo. Ekzistas aktualigo publikigita en 2004: "Limits to Growth: The 30-Year Update", kiun mi ankoraŭ ne legis. Miaopinie, tiu verko —modelo kaj raportoj— estas unu el plej gravaj laboroj faritaj por la homaro. La krizaro homara nur komenciĝas ...

Rilataj ligiloj (ne esperantlingvaj):

• Retejo de la Roma Klubo
• Aŭtoro de "Limoj al Kreskado" honorita pro avertoj iame primokitaj
• Komparo inter "La Limoj al Kreskado" kaj 30 jaroj da realaĵo [pdf]
• Resumo de "Limoj al Kreskado: La 30-jara Ĝisdatigo" [pdf]

En Kolombio trovita fosilio de la plej granda serpento

Nun mi ne havas tempon por skribi tre longe, sed estas interese rakonti ke en norda parto de Kolombio, en la departemento Guajira (pr: "Gŭaĥira"), oni trovis fosiliojn de la plej granda serpento, eknomata Titanoboa cerrejonensis (= titana boao el Cerrejón). Cerrejón (pr: "serreĥOn") estas granda karbo-minejo tiea.
Vidu:
Raporto anglalingva en revuo "Nature"

Centjariĝo de Esperanto en Kolombio

Laŭ konataj registraĵoj, la unua espertantisma aktivado en nia lando okazis en la jaro 1909, do 22 jarojn post la apero de la "Unua Libro". Nia nacia kongreso ĉi-jara okazos en Bogoto, la nacia ĉefurbo, laŭplanite en la dua semajno de oktobro, kaj la centjariĝo de la E-movado en nia lando estas, kompreneble, signifoplena motivo por tiu evento.