Mia venonta prelego: Richard P. Feynman

Unu jaron antaŭe mi skribis blogaĵon pri la fizikisto Richard P. FEYNMAN, okaze de datreveno de lia naskiĝo (11a de mayo). Nu, mi denove mencias lin ĉar la venontan 2an de aŭgusto mi prelegos pri li en la Planetario de mia urbo, kie mi iom partoprenas en sciencpopulariga prelegserio por ĝenerala publiko. Kiel mi raportis, la pasintan 3an de aprilo mi prelegis tie pri Artefarita Inteligenteco. Feliĉe, mi trovis en publika biblioteko la libron Genius. The Life and Science of Richard Feynman [ISBN 0679408363], biografio pri la fizikisto far James Gleick, kaj prunteprenis ĝin por helpi min en la pretigado de la prelego. La 15a de februaro de la venonta jaro estos la 20a datreveno de lia morto.

Ostaĝigita denaske

Unu el la plej abomenindaj agoj de la ostaĝiganta, terorisma kaj narkotŝakranta grupo "FARC" en Kolombio, estas havi ostaĝigita denaske filon de alia ostaĝo, sinjorino Clara Rojas. La infaneton, naskita en kaptiteco jam tri jarojn antaŭe, kaj kies patrino estas ostaĝigita ekde la 23a de februaro de 2002 (jam dum pli ol 5 jaroj!) kune kun sinjorino Ingrid Betancourt, oni konas per la nomo Emanuel aŭ Enmanuel. Tiutempe S-ino Betancourt estis kandidatino por la nacia prezidenteco, kaj la advokatino Rojas oficis kiel direktorino de tiucela kampanjo. La patro de la infano estas membro de la krima grupo kiu havas centojn da ostaĝoj. La eta ostaĝo estas devigata, far la krimuloj, vivi aparte de sia patrino, kaj nur foje lin portas momente por ke ŝi vidu lin. La lastaj detaloj pri la situacio de sinjorinoj Betancourt, Rojas kaj la infano estas konitaj danke al policisto John Frank Pinchao kiu mem estis ostaĝo de la krima grupo dum preskaŭ 9 jaroj ĝis la pasinta 28a de aprilo, kiam li sukcesis eskapi el tiu longega kaptiteco. Per la sekvanta ligilo vi povas aŭdi kaj vidi etan priskribon, kompreneble en hispana lingvo, farita de la liberiĝinta policisto, pri iom da la hitlereska krueleco kiun la krimuloj havas por siaj multnombraj ostaĝoj: video

Buŝoŝtopilo por RCTV far Hugo Chávez Frías

Finfine la anekdotaro libroforme

Kiel mi skribis en blogaĵo de junio de 2005: Anekdotoj el laborejo, mi partoprenis en grupo ("eldona komitato") kiu kolektis kaj selektis anekdotojn el kompanio kie mi laboris, cele publikigi libron kun kolekto de tiuj labor-rilataj anekdotoj, kiel parto el celebro de 50 jaroj de la kompanio. Kvankam bedaŭrinde mi ne povis resti en la grupo ĝis la fino de la tasko, tamen, unu el la grupkunuloj afable donacis al mi ekzempleron de la 190-paĝa libro [Anecdotario Empresas Públicas de Medellín 50 Años, ISBN-13: 9789589784426] publikigita en decembro de 2006 far la Sindikato de Profesiuloj de Entreprenoj de Publikaj Servoj. Oni povas konsideri ke estis ankaŭ "anekdoto" la fakto ke oni faris konkurson por elekti titolon por la libro, kaj kompreneble pluraj homoj liberigis siajn imagpovojn por inventi titolojn, sed fine, la konkurson gajnis la plej simpla kaj evidenta titolo: "Anekdotaro" ! Nun mi ne tradukos anekdotojn. Se vi ne legis jam la ĉi-supre menciita antaŭan blogaĵon, mi rekomendas legi tie sep etajn anekdotojn kiujn mi tradukis tiam.

Nova dika libro

Pasis longa tempo ekde kiam lastfoje mi skribis pri libroj. La lasta jaŭdo mi ne povis kontraŭstari la emon "peki" aĉetante dikan libron. Temas pri "El camino a la realidad", hispanlingva traduko de "The road to reality", far la fizikmatematikisto Roger Penrose. Mi posedas alian libron far li: "The Emperor's New Mind", kiun mi ne ŝatis ĉar tie li verŝajne argumentas kontraŭ la ebleco de Artefarita Inteligenteco, sed tiu libro iras tro tro longe tra fizikaj kaj matematikaj aferoj por argumenti tion, mi vere ne povis kapti lian tro ted-pezan argumentadon kaj daŭras mi kredante ke se "natura" inteligenteco ekzistas, tio sufiĉas por la ebleco ke "artefarita" ankaŭ ekzistu. Tamen, la nova libro, post foliumado, ŝajnis utila al mi rilate ĝian matematikan enhavon, ĉar ĝi pritraktas tiajn aferojn pri kiuj mi volas lerni plu. Tuj post la aĉeto, mi legis la komentariojn pri tiu libro far legantoj en Amazon.com, kaj ili estas plejparte laŭdajn. Kelkaj kritikoj temas pri la penspozicio kontraŭa de Penrose rilate teoriojn plimalpli akceptataj far la plimulto da fizikistoj, kiel Kordoteorio kaj Kosma Inflacio. Tamen, por mia celo lerni pli da matematiko, la libro utilos.

ha! kreiveco de la reklamistoj

Hodiaŭ vokis mian atenton tiu-ĉi rekalmo en ĵurnalo, okaze de la venonta "Tago de la Patrinoj", kun legaĵo: "patrino estas patrino kaj meritas bonan donacaĵon". Surpriziga bildo verŝajne pri Hitler patrinigita. Ha! la kreiveco de reklamistoj.